Эhигинэн киэн туттабыт!

Билсин Сардаана Поскачина!      

2019 сыл саҕаланыытыгар тохсунньу ый 12 күнүгэр «Эйгэ» сынньалаң киинигэр эдэр кэскиллэх ыччаттар «УОА ТИВАННЬАА» диэн концерт ыытан барбыттара. Концертка кыттыыны ылбыттара: Тамада Кештиано, Поскачина Сардаана, Уйусхан Алексеев, Токуйаана Николаева. БиҺиги биир дойдулаахпыт Поскачина Сардаанаттан кылгас интервью ыллым:

- Хас сыллаахха оскуоланы бүтэрбиккиний?

- Мин оскуоланы 2015 сыллаахха бүтэрбитим.

- Ханнык үөрэххэ үөрэнэ сылдьаҕын?

- Мин билигин Хотугулуу Илиңңи норуоттар тылларын уонна культураларын үөрэтэр институтка культура салаатыгар «Мировая художественная культура» диэңңэ үөрэнэ сылдьабын.

- Ол үөрэххинэн туох идэни баҺылыыгын?

- Профессиятынан хайысхалара олус элбэх, бизнес да арыныаххын сөп. Ол эбэтэр кулуупка худругунан  үлэлиэххин сөп, биитэр музейдарга, культурнай центрдарга үлэлиэххин сөп.

- Ырыа эн олоххор туох суолталааҕый?

- Ырыа мин олохпор улахан суолталаах. БиҺиги дьиэ кэргэн ырыаны ытыктыыбыт, таптыыбыт, убаастыыбыт, туохха да тэңнэспэт  музабыт буолар.

- Иллэң кэмңэр тугунан дьарыктанаҕын?

- Иллэң кэммэр араас ырыа ыллыыбын, гитараҕа оонньуубун, хоҺоон суруйуутунан дьарыктанабын, кинигэ ааҕарбын туохтааҕар да ордоробун уонна иллэң кэмим суох даҕаны.

- Ханнык биллиилээх дьонунан киэн туттаҕын, кумир оңостор киҺилээххин дуо?

- Хас биирдии киҺи индивидуальнай дии саныыбын,  ол  эрээри кумир оңостор дьонум элбэхтэр, сахалартан буолар быҺа холоон эттэххэ: Лэгэнтэй, Байбал Сэмэнэп, кинилэр репертуардарын олус сөбүлүүбүн. Аркадий Алексеев ырыаларын ордук сэргиибин.

- Аркадий Алексеев, Ангелина Файрушина ааттарынан, Туой Хайа курдук куонкурустарга кыттар баҕалааххын да?

- Быйыл кыттар баҕа санаалаахпын, кыттыам диэн эрэнэбин.

- Инникигэр туох сыаллааххын?

-Мин инникибэр быйыл үөрэхпэр баклавры бүтэрэбин. Бүтэрэн баран магистратуралыы барыахпын баҕарабын, киин куоракка барар санаалаахпын. Хабаровскайга.

- ЫрыаҺыт буоларга ханнык хаачыстыбалар наадаларый?

- Тулуурдаах, эппиэтинэстээх буолуохха наада.

- Бу кэлбит Сана дьылга ааҕааччыларга тугу баҕарыаң этэй?

- Мин баҕарабын дьолу – соргуну, үтүөнү - кэрэни уонна саамай сүрүннээн доруобуйаны. Доруобуйа баар буоллаҕына туох барыта баар буолар, кэрэ барыта баар буолар.

-Махталы кытта эйиэхэ Сардаана, инникки олоххор үрдүк ситиҺиини, дьолу!

хаңастан бастакы Поскачина Сардаана